Lieber Herr Minischdrpräsident, nach fünf Jahr als Landesvadder verlassed Sie jetz onser Muschdrländle, um zur EU nach Brüssl zom ganga. A bissle wehmüdig semmer zwar scho. Andererseits ischs doch au schee: Oinr von uns Schwaba darf raus in die große Welt - ond des, obwohl die älle immr übr uns lachet und auf unsram Dialekt rumhamplet. [...] Sie sehet scho, des kann was werra, mit Brüssl ond Ihne. I seh Sie scho mit dr Silvana Koch-Mehrin und am Edmund Schdoibr a Viertele in so ra kloina Brasserie schlotza. Und falls Ihne des älles doch zu bled wird, odr die Leit da droba Ihr Englisch oifach net verschdanda wellet, dann vrsuchet se's doch oifach beim Quatsch Comedy Club. Der Rosina-Witz kommt da sicher toll a. Abr da denget mir jetz no net dra. Jetzt ganget Se erschtamol zur EU. D'Donauschwoba, die Sie emmr so gern zitieret, die henns sogar bis nach Brasilien gschafft. Da isch Brüssl ja n Katzaschprung drgega.
nach fünf Jahr als Landesvadder verlassed Sie jetz onser Muschdrländle, um zur EU nach Brüssl zom ganga. A bissle wehmüdig semmer zwar scho. Andererseits ischs doch au schee: Oinr von uns Schwaba darf raus in die große Welt - ond des, obwohl die älle immr übr uns lachet und auf unsram Dialekt rumhamplet.
[...]
Sie sehet scho, des kann was werra, mit Brüssl ond Ihne. I seh Sie scho mit dr Silvana Koch-Mehrin und am Edmund Schdoibr a Viertele in so ra kloina Brasserie schlotza. Und falls Ihne des älles doch zu bled wird, odr die Leit da droba Ihr Englisch oifach net verschdanda wellet, dann vrsuchet se's doch oifach beim Quatsch Comedy Club. Der Rosina-Witz kommt da sicher toll a. Abr da denget mir jetz no net dra. Jetzt ganget Se erschtamol zur EU. D'Donauschwoba, die Sie emmr so gern zitieret, die henns sogar bis nach Brasilien gschafft. Da isch Brüssl ja n Katzaschprung drgega.
